Mef‘ûlü Mefâ‘îlü Mefâ‘îlü Fe‘ûlün
1. Geldüm bu cihâna öle yazdum kederümden
Ayrılmadı gitdi bu göñül hîç giderümden
2. Minnet mi çeker girmek içün Cennete âdem
Mîrâs kalupdur baña Âdem pederümden
3. Allâh derinden kovamañ gitme derine
Kapucısıyum ben geçemem eski derümden
4. Vârîd olur mı didüm ayrılmadı ol şûh
Didüm didüm ol dîde-i şûhı diderümden
5. Ne itme gelür elden efendüm vü ne ‘aksî
Bu nefs-i dagal geçmedi lâkin iderümden
6. Cild-i ten-i pür-dâgı Nesîmî gibi soydı
Kisvet mi keser kendüye gerdûn derümden
7. Ben mübtedî-i baht-ı neşâtum ‘aceb olmaz
Mahkûm-ı ‘aleyhi seçemezsem haberümden
8. Kânî seni bu nefs ü hevâ vartaya saldı
İmdâd saña var mı kazâ vü kaderümden
Dr. İlyas YAZAR , K Â N Î D Î V Â N I, Ankara 2012
