120
Mefâ‘îlün mefâ‘îlün mefâ‘îlün mefâ‘îlün
 
1 Gehî esnâ-yı va‘zında merâmın añladur vâ‘iz
Riyâ bâbında kendüye vazîfe bagladur vâ‘iz
2 Cemâ‘at ekser oldıkça neşâtı dem-be-dem artar
Degil li'llâh merâmı halka medhin söyledür vâ‘iz
3 Ne zîbâ san‘at itmişdür nikât ü hem menâkıbla
‘İbâd-ı Müslimîni güldürür geh agladur vâ‘iz
4 İder cennet ile tebşîr dahi dûzah ile tahvîf
Sanasın Mâlik-i nîrân ya Rıêvân kendidür vâ‘iz
5 Su‘ûdından murâdı kürsî-i vâlâya ma‘lûmdur
Huzûz-ı nefs içün aglar bu halkı agladur vâ‘iz
6 Revâc içün metâ‘-ı va‘za telkîn-i şehâdetle
Bülend âvâz ile câmi‘ kıbâbın çıñladur vâ‘iz
7 Degildür Sıdkiyâ ‘ârif anıñ pendine hîç muhtâc
Hemân nâ-dân gürûhına cevâbın diñledür vâ‘iz
 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0