159.
 . - - - / . - - - / . - - - / . - - -
 
1.Gehi bâr-ı elem geh kahr-ı zehr-i dil-rübâ çekdüm
 Reh-i ‘aşk-ı muhabbetde nice derd ü belâ çekdüm
 
2.Sipihr-i kîne-ver kasdına âh-ı pür-şerârumla
 Niyâm-ı sîneden bir hançer-i erzen-rübâ çekdüm
 
3.Ta‘accüb eylemeñ âh eylesem zindân-ı mihnetde
 ‘Adû-yı zâlimüñ kahrına gül-bang-ı fenâ çekdüm
 
4.Derûnumdan çıkardum fikret-i müjgân-ı hûn-rîzi
 Bu zahm-ı hûn-feşândan bir nice tîr-i belâ çekdüm
 
5.Çekem gibi ‘Atâyî şâhid-i maksûdı âgûşa
 Düşümde gice zîrâ sîneye bir meh-likâ çekdüm
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994