570
Mef‘ûlü/ Fâ‘ilâtü/ Mefâ‘îlü/ Fâ‘ilün
Cânân dimiş ki sabr idetursun cefâmuza
Tâ kim benefşe zeyn ola bâg-ı vefâmuza
Geh burc-ı ‘akrebi gehi mîzânı seyr ider
Hercâyidür diseñ n’ola ol meh-likâmuza
Çok şânuña yaraşurını itdüñ ey rakîb
Yâd ile biliş ol didüñ ol âşinâmuza
Çeksün ayagını şu kim uzatmaya elin
Bezm-i mahabbet içre bizüm merhabâmuza
Mikrâz-ı lâyile keserin Ravziyâ dilin
Her kim ki lâ dir ise bizüm Mustafâ’muza
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
