203
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Geçdügince ebr-i zülfin yüzine örter geçer
Baña gün göstermez ol meh-rû niçe günler geçer
Şerha-i sînem egerçi yaramaz bir nesneye
Hançer-i ser-tîzüñ anı dâ'imâ yarar geçer
Ben seni her gâh eser yilden niçe sakınmayam
Üstüñe bâd-ı sabâ ey verd-i ter ditrer geçer
173
Ne ‘aceb hûn-ı ciger ardınca olursa revân
Tîrüñ ey ebrû-kemânum sîneye ugrar geçer
Evc-i Keyvân'a irerse başı Ravzî’nüñ n’ola
Zîr-i pây-i esb-i cânânında hâkister geçer
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
