Fe‘ilâtün Fe‘ilâtün Fe‘ilâtün Fe‘ilün
 
1 Geçdi ‘uşşâkdan ol âfet-i serden geçdi
Şöyle kim nâvek-i müjgânı cigerden geçdi
 
2 O mehî teng-i der-âgûş idicek sîm-i tenî 2a
 Halka-i âh gibi hâle kamerden geçdi
 
3 Dil-i pür-âteş ana vezne olurdı ammâ
Ol da hûn-âbe olup dîde-i terden geçdi
 
4 Hayl-i ‘uşşâkı çep ü râstdan üftâde görüp 4a
Cân atup hançer-i hûn-rîzi kemerden geçdi 4b
                                                           
5 Vuslat ümmîdi ile geçdi yanından Âgâh
Geçdi ammâ ki ‘aceb cây-ı hatardan geçdi
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,