Fâ‘ilâtün Fâ‘ilâtün Fâ‘ilâtün Fâ‘ilün
1.1a Geçdi ol yâre beni agyâr zâr itmem yine
Geçse dilden gizlü biñ ok âşikâr itmem yine
2. Yâr benden ‘âr ider ben ‘ârdan ‘âr eylerem
‘Ârdan ölsem de istihsâl-i ‘âr itmem yine
3.3b Bir karâra göz karârdur ol siyeh-dil katlüme
Kirpigüm kıpmam derûnum bî-karâr itmem yine
4. Pîr-i mey mug-beççe dirler bir cüvânı sevk ider
Bint-i keremüñ gayrisin ben ihtiyâr itmem yine
5.5b İ‘tibâr ehli baña biñ i‘tibâr eylerse de
İ‘tibârâta virüp yüz i‘tibâr itmem yine
6. İsterem âyîne-i cân u dil olsun sır-nümâ
Lîk o sırrı cevher-i câna gubâr itmem yine
7. Cevri-i kahhâr-ı nazmuñ olmasa sırrında sırr
Kâniyâ tanzîre bezl-i iktidâr itmem yine
Dr. İlyas YAZAR , K Â N Î D Î V Â N I, Ankara 2012
