Gazel
Yâd-ı ruhsârunla bezm-i sîne gülşendür bu şeb
Revgan-ı gülden çerâg-ı dâg rûşendür bu şeb
Şîve-i müjgân-ı yâre dîde-dûz-ı hasretem
Câme-hâb-ı râhatum leb-rîz-i sûzendür bu şeb
İntizâr-ı pây-ı teşrîfünle ey nûr-ı basar
Dûd-ı şem’-i âh kuhl-i çeşm-i revzendür bu şeb
Âstîn-efşân-ı şem’ itdi ruhun pervâneyi
Şem’ler raksân olup ber-çîde-dâmendür bu şeb
Hasret-i müjgân-ı çeşm-i nîm-mest-i yâr ile
Câme-hâb-ı râhatum leb-rîz-i sûzendür bu şeb
Hecr-i rûy-ı tâbnâkünle per-i pervâneden
Şem’-i meclis ser-be-ceyb-i zîr-i dâmendür bu şeb
Hâba yer yokdur bu bezm-i hâsda bî-gânedür
Sâmiyâ çeşmüm hayâl-i yâre meskendür bu şeb
____________
Kaynakça
Kutlar Oğuz, F. S. (2013). Sâmî, Arpaemînizâde Mustafâ. Türk Edebiyatı İsimler Sözlüğü: http://www.turkedebiyatiisimlersozlugu.com adresinden alındı.
Mengi, M. (2005). Eski Türk Edebiyatı Tarihi: Edebiyat Tarihi-Metinler (11. Baskı). Ankara: Akçağ Yayınları.
