Mef‘ûlü Mefâ‘îlü Mefâ‘îlü Fe‘ûlün
 
1 Gâretger-i dil sen gibi cânâna mı kalmış
Çeşm-i siyehün yakmadugı hâne mi kalmış
 
2 Âzâdelerüz zahmet-i sayyâd u kafesden
Murg-ı dili dâme düşürür dâne mi kalmış
                                                           
3 Mecma‘larımuz öyle hıyânetkededür kim
Mahrem diyecek şem‘ mi pervâne mi kalmış
 
4 Sâgırlıga ur sûreti çün sûret-i dîvâr
Ragbetle semâ‘ idecek efsâne mi kalmış
 
5 Yok perverişi kulzüm-i endîşeleründe
Tahsîne sezâ gevher-i yekdâne mi kalmış
 
6 Az derd-i serîn çekmemişüz bâdenün Âgâh
Dilde heves-i gûşe-i meyhâne mi kalmış
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,