14.
 - . - - / - . - - / - . - - / - . –
 
1.Gamzeler mahmûr kana çeşm-i şehlâ teşne-leb
 Hep anuñçün katlüme tîg-i mücellâ teşne-leb
2.Zahmumuñ azgın sulandursa nola peykânlaruñ
 Katreye olur sadef ey dürr-i yektâ teşne-leb
3.Rûzgâr ile varursa kendin artuk alamaz
 Cûy-bâre şol kadar gül-berg-i ra‘nâ teşne-leb
4.Toyılur mı lutfuña ey kâm-bahş-ı cân u dil
 Çeşme-i cândur aña Hızr u Mesîhâ teşne-leb
5.Neylesünler ‘arz-ı hâle kimsede tâkat mı var
 La‘lüñe ‘âlem ‘Atâyî gibi cânâ teşne-leb
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994