Gamdan ölmem korkarım gayret helâk eyler beni
Tîgden çekmem hazer firkat helâk eyler beni
Mûmdur tab΄um gerçi şu΄le-i dîdârına
Bir şeb olsam lîk germ ülfet helâk eyler beni
Gülşen-i hüsnünde şâyân-ı nigâh-ı lutf iken
Jâleveş ol mihr-i hoş-tal΄at helâk eyler beni
Reşk-i Mirrih-i felekde gamze-i cellâdveş
Etmezem tâli΄le ünsiyyet helâk eyler beni
Yâr-ı sengîn dil kabûl eyler şikeste-hâtırım
Gevher-i fakrım gerân-kıymet helâk eyler beni
Hazret-i Neş’etle Gâlib ben de hem tavrım velî
Gamdan ölmem korkarım gayret helâk eyler beni (G/330)
ŞEYH GALİP HAYATI EDEBİ KİŞİLİĞİ VE ESERLERİ
