Mef‘ûlü Mefâ‘îlü Mefâ‘îlü Fe‘ûlün
 
1. Gam aldı benüm dört yanımı cân saña kaldı
Eyü bilesin çünki bu kurbân saña kaldı
2. ‘Işkuñ dil-i ‘uşşâk-ı Huseynîye çıkardı
Tahsîn ide gör hüsnüñi ihsân saña kaldı
3. Ey pâdişeh-i mülk-i melâhat yeter oldı
İtdüñ sitem-âbâd bizi dîvân saña kaldı
4. Biz kesdük ‘Utâridden ümîdi hele şimdi
İş ba‘de-zin ey himmet-i keyvân saña kaldı
5. Giydürdi bürehne dilümüz şu‘le-i şevkuñ
Ey câme be-dûş-ı hüsün oglan saña kaldı
6. Kânî niçe bir vasla heves hecre yanaş kim
Var hayli şerîki yine hicrân saña kaldı
 
Dr. İlyas YAZAR , K Â N Î D Î V Â N I, Ankara 2012