74
Mef‘ûlü Mefâ‘îlü Mefâ‘îlü Fe‘ûlün
1 Fürkatdeyem ol Yûsuf-ı devrân ele girmez
Vuslatdan ebed gûşe-i dâmân ele girmez
2 Gayrlar el irgürdi dilâ mîve-i vasla
Ayva gibi bir sîb-i zenahdân ele girmez
3 Dil şâne gibi şişlere sancıldı ser-â-pâ
Gitdi meded ol zülf-i perîşân ele girmez
4 Elden çıkaraldan berü dil hâtem-i la‘lüñ
Kan aglar ise tañ mı ki yârân ele girmez
5 Destüñde iken kadrümi bil âhumı alma
Hüsn âyinesi ey şeh-i hûbân ele girmez
6 Sun‘î ye yazuklar ki bu gün bezm-i cihânda
Câm-ı mey ile bir gül-i handân ele girmez
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
