Fitne pâ-buşın öper dildâr mest olmış yine
Gamze ol terlikle gör hançer be-dest olmış yine
2. Nagme-i şeh-nâza bogdurmuş niyâzı gâlibâ
Nâle-i ‘uşşâk bir kaç perde pest olmış yine
3. Bülbülüñ yapsa yuvasın gül dinilmez reng aña
Şu‘lezâr-ı reng-i gül cây-ı nişest olmış yine
4.Çîn-i sihr-pây-ı nigâh germile basmış o şûh
Sîne-i gül çatlamış yer yer şikest olmış yine
5. Hod-be-hod zünnâr-bend-i tâze ‘ahd oldum bugün
Gûşe-i vahdetde Kânî hod-perest olmış yine
Dr. İlyas YAZAR , K Â N Î D Î V Â N I, Ankara 2012
