Mefâ`îlün mefâ`îlün mefâ`îlün mefâ`îlün
1 Firâkında o servün eşk-i hûnînüm revân oldı
Ne bâga k`irdi her nahli nihâl-i erguvân oldı
2 Nasîb olmadı çekmek tîr gibi sîneye yâri
Bükildi gerçi kaddüm gamla mânend-i kemân oldı
3 Dükendi nakd-i eşküm gitdi `aklum kalmadı sabrum
Bu bâzâr-ı belâda ben fakîre çok ziyân oldı
4 Helâk oldı o dil kim mihr-i rûy u târ-ı mûyunla
Hayât-ı lâ-yezâli buldı `ömri câvidân oldı
5 Irüp fasl-ı bahâr oldı yine her gülsitân hurrem
Benüm Yahyâ neşâtum gülşeni niçün hazân oldı
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
