Mefâ`îlün mefâ`îlün mefâ`îlün mefâ`îlün
1 Firâkın mı çekersin ey gönül bir mâh-ı tâbânun
Işitdüm göklere çıkdı gice feryâd u efgânun
2 O mâhı sîneye çekdünse zinhâr eyleme inkâr
Rakîbâ togrı söyle var ise gögsünde îmânun
3 Iki çeşmüm yaşından kûyun itdi mecma`u'l-bahreyn
Hevâ-yı dürr-i dendânun hayâl-i la`l-i mercânun
4 Görür her şeb işiginde dimez bir kerre ol âfet
Nic'oldun derd-i zülfümle nedür hâl-i perîşânun
5 Gubâr eylerdi Yahyâ cism-i zârın reh-güzârunda
Velî korkar ki andan ola mugber pâk-dâmânun
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
