92-
Mefâ`ilün Fe`ilâtün Mefâ`ilün Fe`ilün
1 Firâk-ı yâr ile bî-hadd kasâvetüm vardur
Hezâr deftere sıgmaz hikâyetüm vardur
2 Visâl-i yâra irişdükde cür’et idemedüm
Zamân-ı haşr irişince nedâmetüm vardur
3 Şikâyet eylemezin kimseden benüm ammâ
Bu baht-ı şûmdan özge şikâyetüm vardur
4 `İtâba müstahak olmagıçün el üzreyin dir
Benüm güzellere gâhî zerâfetüm vardur
5 Ziyâ’î şi`rine dahl itmesün `inâdı kosun
Kelâmum añlamayan şahsa minnetüm vardur
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
