37
mefâ‘ilün fe‘ilâtün mefâ‘ilün fe‘ilün
1 Figân-ı bülbüli gör şekve-i helâki mi var
Anuñ da gonce gibi sînesinde çâki mi var
2 Ol ‘âşıkuñ ki nazargâhı ebruvânuñdur
Felek ham eylese kaddin meger ki bâki mi var
3 Dolansa şem‘-i rûhuñ ‘âşıkuñ çü pervâne
Yanup yakılmağa şâyeste gayrı bâki mi var
4 Hevâsı Tübbet’e gâlib zemîni Bulgar’a
Hisar gibi cihânuñ güzîde hâki mi var
5 Nukûd-ı eşk ile tahsîlümi elümden alur
Benümle bu felegüñ bilmem iştirâki mi var
6 Nizâm u zâbıtası yok havâdis-i dehrüñ
Güsiste sübha-i eyyâmuñ insilâki mi var
7 Nazîre ola mı İshak Efendi’ye Kâmi
Fesâhatüñ kelimâtında infikâki mi var
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0
