352
Mefâ‘îlün Mefâ‘îlün Mefâ‘îlün Mefâ‘îlün
1 Figân ey Mevlevî şevk-i semâ‘-ı fitne-engîzüŋ
Getürdi zerre gibi raksa hâkin Şems-i Tebrîz’üŋ
2 Meh ü hurşîd olınca çarhuŋa ser-geşte çün jâle
Elinden hâksâr olmak gelür ‘uşşâk-ı nâ-çizüŋ
3 N’ola şîrîn gelürse gûş-ı câna nagmesi nâyuŋ
Anı ney-şekkere döndürdi la‘l-i şekker-âmîzüŋ
4 Kıbâb-ı çarh olur başına teng ‘uşşâk-ı şeydânuŋ
Ne dem zîr-i külehden görseler zülf-i dil-âvîzüŋ
5 Şafakdan reng-i hûn-ı bî-günâhân zâhir olmazdı
Müsavî olmasa(ydı) çarh ile dü çeşm-i hûn-rîzüŋ
6 Dil-i SÂKIB döner bî-bâl ü per murg-ı giriftâra
Semâ‘ içre süzilse şâh-bâz-ı gamze-i tîzüŋ
Kırbıyık, Mehmet. Kâtib-zâde Sâkıb Dîvânı. https://ekitap.kulturturizm.gov.tr/dosya/1-275466/h/katibzade-sakib.pdf [erişim tarihi: 01.05.2013]
