Mefâ‘îlün Mefâ‘îlün Mefâ‘îlün Mefâ‘îlün
1. Fem ü leb ruh zenah ber-bûse zâr olmaz bu yerlerde
Turunc u püste gül gül-nâre nâr olmaz bu yerlerde
2. Yıkar bir hamlede zîr-i temelden dil-berân elbet
Binâ-yı sabr-ı ‘âşık üstüvâr olmaz bu yerlerde
3.3a3b Temîz ashâbı zevk-ı hâl ile hoş-hâldür her vakt
Çü ibnü’l-vakt vakf-ı intizâr olmaz bu yerlerde
4. Göñüllerde nihânîce tüten bûy-ı vefâ-âsâ
Tolanur gerçi ‘irfân iştihâr olmaz bu yerlerde
5. Hat-ı nâzük nişesti cevher-i âyîne-i dildür
Olur âyîne vü cevher gubâr olmaz bu yerlerde
6. Hakîkat nesme-i şâm u erîhâdan ‘ibâretdür
‘Abîr-i i‘tibâra i‘tibâr olmaz bu yerlerde
7.7a Revân-ı Nâbi-i magfûra tab‘-ı pâk-i Kânîden
Aransa bundan a‘lâ ber-güzâr olmaz bu yerlerde
Dr. İlyas YAZAR , K Â N Î D Î V Â N I, Ankara 2012
