Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Felegüñ ‘ahde hılâf itmek ezelden işidür
Cümle cünbişleri anuñ Karaman bahşişidür
Câme-i sebz giyüp kendüye zînet virmiş
Gör ki serv-i gülsitânı o ne gökcek kişidür
Yüzüme yâr sovuk baksa beni lerze tutar
‘Âşıkuñ var ise bunuñ gibi demler kışıdur
Zen-perest oldugıçün tîşe ser-i Ferhâd’a
Husrevâ kûh-ı fenâ Şîrîn’inüñ dişidür
Dehr bâgında Behiştî’yi iden ber-hurdâr
Zâhidüñ pendi degül pîr-i mugân alkışıdur
Dr. Yaşar AYDEMİR, BEHİŞTÎ DÎVÂNI,
Behişti Ramazan
