431
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Şâh-ı iklîm-i bekâ olmaz fenâdan geçmeyen
Fakr ile fahr idemez tâc u kabâdan geçmeyen
Nefs-i kâfir zecr ü men‘ idüp iderse biñ cefâ
Bir benüm ‘âlemde hubb-ı Mustafâ’dan geçmeyen
Bâg-ı Firdevs-i cinân isterseñ ey zâhid eger
Vâsıl-ı dergâh-ı Hak olmaz riyâdan geçmeyen
İbtizâl-i rûze-i gamdan idüp kendin halâs
‘Îd-ı istignâya irmez merhabâdan geçmeyen
‘Ârzû-yı kûşe-i fakr eylemez Ravzî-sıfat
‘Âlem içre iltifât-ı pâdişâdan geçmeyen
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
