374
Mef‘ûlü/ Fâ‘ilâtü/ Mefâ‘îlü/ Fâ‘ilün
Eyyâm-ı ‘îş u ‘işret ü zîbâ hevâ-yı bâg
Gel bâde içelüm yine ber-muktezâ-yı bâg
Nergis çemende gel diyüp eyler işâreti
Cezb eylemekde dilleri merdüm-rübâ-yı bâg
Olsa Buhûr-ı Meryem eger hûb olur çemen
Dirsem benefşeye yiridür müşksâ-yı bâg
Niçün azıtdı yolını zühd ehli bilmezin
Şûrîde bülbül olmuş iken reh-nümâ-yı bâg
Ravzî çemende bülbül ider midi nâleler
Açılsa gonca olmasa gül bî-vefâ-yı bâg
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
