305-
Fe`ilâtün Fe`ilâtün Fe`ilâtün Fe`ilün
1 Ey kaşı yâ gam-ı hicrüñ niçe yıllar çekdüm
Ey şeker-leb n’ideyin şimdi mükerrer çekdüm
2 Hasret-i zülfüñ ile dâra teveccüh kıldum
Hicr-i müjgânuñ ile sîneme hançer çekdüm
3 Lâm-ı zülfüñe degince ne elemler gördüm
Kadd-i bâlâña irince ne belâlar çekdüm
4 Dâg-ı pür-hûnı ki sundum dil-i mecrûha bu dem
Pâdişâh-ı gama bir tâze gül-i ter çekdüm
5 Sâkiyâ tañ mı Ziyâ’î gibi mest olsam eger
Hasret-i la`l-i lebüñle mey-i ahmer çekdüm
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
