172
Fâ‘ilâtün fâ‘ilâtün fâ‘ilâtün fâ‘ilün
1 Ey göñül bî-hûde da‘vâdan hele âzâdesin
Gam degildür nâs içinde böyle kem üftâdesin
2 Hâke yek-sândur hemîşe âfitâb-ı pür-şu‘â‘
Ne zarar pâ-mâl iseñ elbet yine a‘lâdasın
3 ‘Aklı tâm olan ider mi meyl-i câh u saltanat
Yine temkîn bulmadıñ böyle ‘abes da‘vâdasın
4 Kâma vâsıl olmaga ey dil nedür bu ıztırâb
Halli müşkil hâsılı sen bir garîb sevdâdasın
5 Kimse tahkîr eylemezdi remziñi fehm eylese
Bilseler kim Sıdkiyâ sen de ne merdüm-zâdesin
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
