552
Mefâ‘îlün/ Mefâ‘îlün/ Mefâ‘îlün/ Mefâ‘îlün
Dimezin gün gibi her günde tecellâ eyle
Yılda bir kerre gelüp bâri tesellâ eyle
Hadd-i gülgûnuñı ‘arz eyleyüp ey gonce-dehen
‘Âşık-ı haste-dili bülbül-i gûyâ eyle
Ey ecel gel demidür leşker-i Tâtâr-sıfat
Ser-be-ser cân u göñül şehrini yagmâ eyle
Âsitânına yüzüñ sür o firişteh-hûnuñ
Menzil-i cân u dili ‘arş-ı mu‘allâ eyle
Sîneñi ney gibi del iñle müdâm ey Ravzî
Neye kılsañ nazarı yâri temâşâ eyle
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
