107-
Fâ`ilâtün Fâ`ilâtün Fâ`ilâtün Fâ`ilün
1 Ey dil-i pejmürde müjde şâh-ı hûbânum gelür
Ol leb-i `Îsâ irişür seyrine cânum gelür
2 Dostlar tañ mı kıyâmet kopsa düşmen başına
Tarf-ı magribden benüm hurşîd-i rahşânum gelür
3 Başladı cân u göñül iklîmi ma`mûr olmaga
`İzzet ile şehrine sultân-ı hûbânum gelür
4 Ol sanem kâfirlik itmez ey müselmânlar bilüñ
Dînüm içün i`tikâd eyleñ ki îmânum gelür
5 Zulmet-i hicre düşenler âb-ı hayvân istesün
Ben Ziyâ’îyem benüm ol nûr-ı Yezdânum gelür
1
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
