Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Ey cefâ-hû sen beni sanma sitemden incinür
Gâh olur göñlüm zücâcı seng-i gamdan incinür
Kasd ider ‘uşşâkı kûyuñdan uçurmaga rakîb
Kâfir-i bî-rahmı gör murg-ı Haremden incinür
Her ne deñlü aglasam öñünde bakmaz yüzüme
Ol gözüm nûrı bileydüm bâri nemden incinür
Bir dem ancak sîne-i pür-zahma tîrüñ geldügi
Kanını dökmek gerek her kim bu demden incinür
Hasret-i tîguñ Behiştî’ye ‘azâb-ı rûhdur
Sen anı sanma ki cismânî elemden incinü
Dr. Yaşar AYDEMİR, BEHİŞTÎ DÎVÂNI,
Behişti Ramazan
