Mef‘ûlü Fâ‘ilâtü Mefâ‘îlü Fâ‘ilün
1.1a 1b Ey bâd-ı subh ‘âşıkı hîç yâd ider misin
Bî-gânevâr yâ unudup yâd ider misin
2.2b Hep pâreler misin dil ü sadr u dimâgımuz
N’itseñ gerek dahı güzelüm yâd ider misin
3.3b Peygâm-ı vaslidi bizlere fâş eyledüñ güzel
Ol râz-ı ser-nühüfteyi de yâd ider misin
4.4b Pîşâni-i reşâşe-çekânın görüp didüm
Ey hûn ‘anberîn ‘aceb ol yâd ider misin
5.5b Sîneñ ki bâb-ı vasldı ‘uşşâka bestedür
Güller gibi açılmadasın yâd ider misin
6.6a6b Tâ rabbi yessir okur iken ol elif-kadem
Kaddüm dönerdi lâm-elife yâd ider misin
7. Âgâh iken visâlüñi va‘d eylemez idüñ
Âyâ o sırrı sen bize rü’yâda der misin
8.8b Âyâ vefâda pâyemüzi añladuñ mı hîç
Benden tehî kalur gehice yâd ider misin
9.9b Ey sürh-rûy-ı ‘ışk siyeh-mest olup gehî
Hançer çeker misin kısacık yâd ider misin
10.10b Ben bildigüm dimezsin o egri sözi velîk
Ebrûsına hilâlidi ya yâd ider misin
11.11b Bir nîm iltifât da itmez geçerse yâr
İtdüñ bütün fedâ bizi sen yâd ider misin
12.12b Ol şeh-suvâr-ı nâza seni çiynedürse de
Geldüm kapuña şevkile yâ yâd ider misin
13.13b Yaydı bizi cünûn-ı muhabbetle ‘âleme
Yâ kim şu‘ûr-ı vasl ile yâ yâd ider misin
14.14b Ebrûların muhâtab idin istigâsede
Harfü’n-nidâ’i hâcibuhu yâd ider misin
15.15b Te’sîr-i zikr-i erre dimâgı ider tasîh
Men hanne ‘abdühû Zekeriyyâdı der misin
16.16b Eyle nühüfte sînede sen ‘ışk-ı Kâniyâ
Ol râz-ı ser-be-mühri dime yâd ider misin
Dr. İlyas YAZAR , K Â N Î D Î V Â N I, Ankara 2012
