43
(Mefûlü Fâilâtü Mefâîlü Fâilün)
1 Evc-âşinâ-yı şöhret olur mübtelâ-yı ruh
Bedr-i münîre dönmede pertev-gedâ-yı ruh
2 Bin renge kor hicâbı o ruhsâr-ı âlini
Bir gülsitân olur gül-i gülşen-nümâ-yı ruh
3 Mir’ât o vech-i pâke ne yüz gösterir aceb
Çün safhasın şikeste-fer etdi safâ-yı ruh
4 Şemm-i gül-i izârdadır kâm-ı ârzû
Hâhiş-gerân-ı bûs u kinârız berây-ı ruh
5 Bu nazmım oldu pençe-i hûrşîd Haşmetâ
Etdi zemîn-i şark-ı dili hûlyâ-yı ruh
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
