Esrār-ı Ǿaşķ söyleyicek güft u gū degül

MefǾūlü FāǾilātü MefāǾįlü FāǾilün

1 Esrār-ı Ǿaşķ söyleyicek güft u gū degül

İksįr-i vuślat eyleyicek arzū degül

2 Merd-i Ħudā firifte-i reng ü bū degül

Bu gülşenüñ hezārı hezār arzū degül

3 Bir ĥāle uġradun gibi rengüñ berįdedür

Ey lāle-ħad bu gördigimüz reng-i rū degül

4 Raĥm it niyāz-ı vaśl ile dökdüm yüzüm śuyuň

Bu āb-ı rūdur ey yüzi gül āb-ı cū degül

5 Zāhid kelām-ı muħtaśar it refǾ-i śavtı ķo

İnśāf yoķ mı sende bu başdur gerü degül

6 Bilmem nedür bu gerdiş-i kec-devr-i nā-sezā

Ey āsiyāb-ı çerħ bu evvelki śu degül

7 Çün Ǿacl-i Sāmirį nice bir śūfiyā ħvār

Zikr-i Ħudā bu Ǿarbede bu hāy u hū degül

8 Zaħm-ı mizāc-ı nāzüke sūd itmez iǾtizār

Çāk-i zücāc-ı ķābil-i ħayŧ-ı rüfū degül

9 Ġam rāʾic ol ķadar ki gül-i zaǾferān daħı

Bir dem śafā-yı ħāŧır ile ħande-rū degül

10 Eŧvār-ı yār ķaddi gibi muǾtedilcedür

Pek nįk-ħū degül ise pek kįne-cū degül

11 Ĥāmį olursa böyle esįr-i ħumār-ı ġam

Ħum-ħāneler tehį ola cām u sebū degül

 Diyarbakırlı Hâmî Ahmed Hayatı

KAYNAK:  Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017