Mefâ‘îlün Mefâ‘îlün Mefâ‘îlün Mefâ‘îlün
 
 1 Esîr-i mihnet oldum ‘âşık-ı mahzûnun oldumsa
 Günehkâr olmadum ey bî-vefâ meftûnun oldumsa
                                                                                                                                                                         
2 Hemîşe zehr-i gam perverdeyem düşnâm-ı telhundan 2a
Eger bir lahza hem-bezm-i leb-i meygûnun oldumsa
 
3 Sebeb yâ zülf-i pür-ham yâ leb-i şîrinün olmışdur
Senün ey şûh eger Ferhâd eger Mecnûnun oldumsa
 
4 Harâm olsun bana keyfiyyet-i sahbâ-yı nevmîdi
 Ümîd-i ‘ayş ile ey çarh-ı dûn memnûnun oldumsa 4b
 
5 Edâ fehm olmada Âgâhveş bir üstâd itdi
N’ola şâkird-i çeşm-i şûh-ı pür-efsûnun oldumsa
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,