77
Mef‘ûlü Fâ‘ilâtü Mefâ‘îlü Fâ‘ilün
1 Ol meh ruhından olsa n’ola ş’ol rakam tırâş
Evrâkı kâh olur ider ehl-i kalem tırâş
2 Dirsem n’ola ki sâhib-i seyf ü kalemdür ol
Hem hat yaraşdı ol şeh-i hûbâna hem tırâş
3 Hatt-ı ruhuñ gelelden ider oldı şiveyi
Eş‘âr-ı Rûmdan şu‘arâ-yı ‘Acem tırâş
4 Ş’ol halka-i kalenderiden olmag isteyen
Hâtem gibi gerek ola ser-tâ-kadem tırâş
5 Sun‘î nazîresi yazılur mı bu levhe hîç
Tut safha-i cihândan eyâ çarh olam tırâş
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
