115
Fâ‘ilâtün fâ‘ilâtün fâ‘ilâtün fâ‘ilün
1 Elleş ihlâs ile ey dil düşmeni merdâne bas
Fursatı fevt eyleme sa‘y it anı ferzâne bas
2 Gâlib olsa ol seni râhat komaz ta‘cîz ider
Gürsine ko hîlesin fehm eylegil şâhâne bas
3 Söze tutma söz kabûl itmez ta‘annüd eyler ol
Tut yakasından o kâfir-kîşi gel meydâne bas
4 Gelse güftâra Felâtûn-ı zamânı hasr ider
Başına çal balta-i fûlâd ile bir yana bas
5 Bâr virür sanma nihâl ü şâhını birden hemân
Bîhini tut tîşe-i ser-tîziñi ormana bas
6 Kim alur kâlâ-yı ‘irfânı hamûş ol itme ses
Çâr-sû-yı dehrde tamgâ-yı ‘aşkı câna bas
7 Mest olup düşme telâşa Sıdkiyâ mecnûn gibi
Râz-ı dehri it ferâmûş dem-be-dem peymâne bas
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
