Ehl-i ışkun âhını gel âşık-ı cânâna sor
Hüsrev-i hüsnün makâmın ravza-i rızvâna sor
Zikr ü tesbîhün niyâzın iste şeyh ü şâbdan
Vahdetün câm-ı şarâbın mest-i câvîdâna sor
Sâlikün esrârını zâhidden eyle münteşir
Sen bu râzun hâlını var ârif-i rabbâna sor
Bülbül-i âşüftenün peyveste âh u nâlesin
Ol hatı sebze ruhı gül sidre-i rızvâna sor
5. Dâğ-ı hasret çünki ol yârun gamıdur âşıka
Gel bu hasret dâgını bu cân-ı ser-gerdâna sor
Olmagil şeytân nefsün illetinden bî-haber
Ger zi-irfânsan bu râzı sâcid-i Rahmâna sor
Ey diyen ki teşneyem men ol nigârun la‘line
Hızr-ı ışkun bâdesin ol çeşme-i hayvâna sor
Çün Hakîkî sûz der-şem-i ruheş pervânevâr
Âteş-i ışkun gamın gel bu dil-i büryâna sor
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
