70
Fâ‘ilâtün fâ‘ilâtün fâ‘ilâtün fâ‘ilün
1 Ehl-i dil bâb-ı keremden feyz alur vakt-i seher
Dilde olan ‘ukde-i gam feth olur vakt-i seher
2 Sâcid olmuş cümle esmâr râki‘ olmuş hep şecer
Mürg ü vahşî ‘aşk ile tevhîd okur vakt-i seher
124
3 Devlet-i dâreyne nâ’il ola mı şol kimse kim
Göñli bîdâr olmaga bîmâr olur vakt-i seher
4 Bahr-i ‘isyâna garîkım deyu kat‘ itme ümîd
Oku Gaffâr ismini hep mahv olur vakt-i seher
5 Göñle sıklet virme Sıdkî gamdan olma muztarib
Müşkil-i dünyâ vü ‘ukbâ hall olur vakt-i seher
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
