30855
fâ‛ilâtün fâ‛ilâtün fâ‛ilâtün fâ‛ilün
1 Ehl-i bezme tûtiyân olup sühandân söz satar
Bir temâşâdır bu kim insâna hayvân söz satar
2 Surre-i zerle alırdı tuhfe-i nazmı kibâr
Va‛de-i ferdâya çekdi şimdi a‛yân söz satar
3 Geh lisân-ı nâz u geh çeşm-i sühan-perdâzla
Dil-firîb etvâr edip ‛uşşâka hûbân söz satar
4 Çünki hummâ-yı hevâdır asl-ı derd-i sînesi
Haste-i ‛aşka devâ vermez sıbyân söz satar
5 Aldıgı hep sîm ü zer hükm-i tecânüsdür hemân
Bezm-i erzâle ne dem kim kıssa-hânân söz satar
6 Dûr bilir kıymet-şinâs ma‛rifet-i nazmım Lebîb
Fehm eden şi‛riñ demez erbâb-ı iz‛ân söz satar
Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567
