. - . - / . . - - / . - . - / . . –
 
1.Egerçi bahse girüp eylemişdi hayli şitâb
 Görince âteş-i âhum hemân ip oldı şihâb
2.Belürdi hatt-ı ruhı kad çeküp o serv-i revân
 Kıyâmet oldı sanasın göge çekildi kitâb
3.Güler yüz ile sakın ‘akluñı ugırlamasun
 Efendi âline aldanma ekşidür mey-i nâb
4.Düzüpdür al cebînlik ‘arûs-ı duhter-i rez
 Dizerse aña gümüş pulların ‘aceb mi habâb
5.Görüp o yâri yanumda yıkıldı gitdi ‘adû
 Şarâb-ı reşk ile oldı ‘Atâyî mest ü harâb
 
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994