Eger var-ısa sende ışk derdi (632/1)
Sen olduñ kamu halkuñ şîr merdi
Devâ it derd-i câna ki_oldı nâ-merd (632/2)
Kişi kim olmaya göñlinde derdi
Cemâlini habîbüñ ol göre kim (632/3)
İde sürme işigindeki gerdi
Gehî yaş dökerem geh iderem âh (632/4)
Bu yoluñ bî-had olur germ ü serdi
Niçe_açam derdümüñ tûmârını kim (632/5)
Ciger kanı toludur her neverdi
Boyuñuñ reşki yire sohdı servi (632/6)
Yüzüñüñ şavkı yile virdi verdi
Gözinden feth-i bâb irdi-Ahmedîye (632/7)
Veger lâle bigi oda yanardı
İşbu yüzi kim şulesidür nûr-ı İlâhî (633/1)
Peyveste dil-efrûz idi vü rûşen İlâhî
Bu matla-ı nûra nicesi şem diyem kim (633/2)
Pervâne bigi oda yahar mihr-ile mâhı
Ol yüz-ile ol zülfe nazar it ki ola rûşen (633/3)
Devr-i kamer ü silsile-i nâ-mütenâhi
Ögretdi gözi işvesi Hârûta füsûnı (633/4)
Sevdürdi zenahdânı anuñ Yûsufa çâhı
Âhum-ıla giryem yüzüme âfet olupdur (633/5)
Yil-ile suda kişi nice sahlaya kâhı
Yüzüñ bigi gün gelmedi saçuñ bigi gice (633/6)
Hak düzeliden berü sipiœi vü siyâhı
Zülfüñ girihinde_Ahmedi ol gussaya irdi (633/7)
Ki_uzadudur idilimez ol kıssa kemâhî
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
