Müstef‘ilün müstef‘ilün müstef‘ilün müstef‘ilün
1 Eger sürûr eger keder leyl ü nehâr gelür giçer
Eger kerem egerçi serd kış u bahâr gelür giçer
2 Baglama bil bu dehre sen hâliñe sabra bak hemân
Eger ayık eger nev(ü)m keyf ü humâr gelür giçer
3 Gâh(î) olur kîse tehî gehî olur nakd ile pür
Arama hîç vâr u yogı elde ne var gelür giçer
132
4 Gâ’ile-i ma‘âş ile düşme cefâ vü mihnete
Eyleme hâtırı şikest ‘ayş u medâr gelür giçer
5 Gördiñ mi bir kesi hele ki bir karâr üzre ola
İşbu zamânıñ hâldür züll (ü) vakâr gelür giçer
6 Şerbet-i mevti içüben bâb-ı kubûra giçmeye
Halk-ı cihân âlây âlây yemn ü yesâr gelür giçer
7 Şâh u sâkında eger zâhir olursa çend rûz
Bunca nebât u mîveniñ vakt(i) savar gelür giçer
8 Sakla nevâtı magz ile tokınmasun zarar aña
Yohsa kuşûr olur telef o hoş-güvâr gelür giçer
9 Bunca sipâh u şeh-süvâr gitdi fenâya Sıdkiyâ
31b Köhne-ribât-ı dehrden niçe hezâr gelür giçer
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
