30
Mefâ‘îlün Mefâ‘îlün Mefâ‘îlün Mefâ‘îlün
1 Efendi sâde-rûlukda bu gün tîgüñ ser-âmeddür
Anı pehlûsına bir kez saranuñ ‘ömri sermeddür
2 Yeşil tûtî durur gûyâ ki serv üstine konmışdur
Başında şemlesi ş’ol dilberüñ ki Âl-i Muhammeddür
3 Cinân bâgın añup asla hevâ-yı zülf-i hûr itmez
Şu dil kim işigiñde zülf-i dildâra mukayyeddür
4 Gider her subh alup destine levh-i mihri ey hâce
Bu pîr-i çarh ‘ışkuñ mektebinde tıfl-ı ebceddür
5 Görenler Ka‘beyi kûyında ey Sun‘î o meh-rûnuñ
Başında şemsî dülbendin sanurlar nûr-ı Ahmeddür
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
