33
(Fâilâtün Fâilâtün Fâilâtün Fâilün)
1 Ebruvânın çîn-i istignâdan ey meh-pâre aç
Tîg-ı cevher-dârı hüsnünle dile bin yâra aç
2 Olmayam dersen nişest-i fülk-i tazyîk-i hevâ
Zevrak-ı sahbâyı sen deryâ-yı istigfâra aç
3 Bir nazar eyle fezâ-yı sîne-i pür-dâgıma
Revzen-i nezzâreyi gel arsa-i gülzâra aç
4 Bir nigâh ile humâr-âlûd-ı hecri eyle mest
Aç gözün mey-hâne-i nâzı dil-i gam-hâra aç
5 Vesme çekme ebruvâna zâg-ı hüsnün ana bes
Etme pâs-âlûde tîgin dedim ol gaddsra aç
6 Bâri şeftâlû ile dil-sîr-i vasl et Haşmet’i
Kalmasın hân-ı cemâlinde dil-i bî-çâre aç
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
