Dut ki_örtesin nikâb-ıla benden cemâlüñi (656/1)
Nice gideresin bu gözümden hayâlüñi
Gaybet deminden dahı huzûruñdayam müdâm (656/2)
Kim ışk cânda nakş idüptür misâlüñi
İki cihân murâdını bulmış ola beleş (656/3)
Biñ cân virüp alan kişi bir dem visâlüñi
Kim zühre didi yüzüñ vü kim güneş kim ay (656/4)
Rûşen bu kim bilemedi kimse kemâlüñi
Âb-ı Hayât adını ide-y-di serâb eger (656/5)
Görse-y-di Hızr lal-i lebüñde zülâlüñi
Anber kuluñ olam diyü dâg-ıla yanar uş (656/6)
Gül yanâguñda görelî müşg-i hâlüñi
Zikr itdi Ahmedî lebüñi tütî işidüp (656/7)
Didi mükerrer eyle bu şîrîn-makâlüñi
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
