Harfü’z-zâl
34.
--. / -.-- / --. / -.—
Düşmiş sefîd-i rûya her nokta hâl-i kâgız
Gül-penbe –ruh güzeldür ellerde âl kâgız
Herkesle itmeseydi efsâne –gûyı der-kâr
Bir böyle pîç ü tâba düşmezdi hâl-i kâgız
Söyler zebân-ı hâli ser-geşte-i visâle
Pervâne sûz-ı âteş olsa me’al-i kâgız
Hicrân-ı savmı eyler ‘ıyd-ı sürûra tebdîl
Nakl-i peyâm-ı yâri idüp hilâl-i kâgız
İzhâr-ı terş-rûyı mektûb olınca eyler
Her tâze-rû Sa‘îdâ gûyâ melâl-i kâgız
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
