Mefâ`îlün mefâ`îlün mefâ`îlün mefâ`îlün
1 Düşelden dil hevâ-yı `aşka bî-sabr u şekîb oldı
Hele âvârelikde ber-karâr olmak nasîb oldı
2 Ne dil-berden ne dilden bir haber almaga var çâre
Sorarsan `âşık-ı bî-çârenün hâli garîb oldı
3 Bu emvâc-ı belâ içre bulınca sâhil-i cûdı
Mekân-ı keştî-i dil geh firâz u geh nişîb oldı
4 Temâşâ eyledüm gülşende her gül bir kulag olmuş
Meger var ise her mürgi bu bâgun `andelîb oldı
5 Halâs olmak ne mümkin `aşk elinden neylesün Yahyâ
Gönül vardukça meyyâl oldı dil-ber dil-firîb oldı
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
