Fâ‘ilâtün Fâ‘ilâtün Fâ‘ilâtün Fâ‘ilün
1. Düşdiginden aglarum yâruñ rakîbân üstüne
Sevdigüm gavgâ bütün ‘âlemde yorgân üstüne
2. Göñlümi gördüm hatuñ mûyında ben âvîhte
San şikest ta‘lik yazmışlardı reyhân üstüne
3. Cânı bir şîveyle ol tıfl-ı melek-hû istemiş
Dönmesün bâri sözinden baş degül cân üstüne
4.4a Kadd-i yâre üsküf-i zerrînidür kuş konduran
Fâhte konmuş gibi seyr ü hırâmân üstüne
5. Fikr-i gîsû-yı siyâha düşmesün bî-çâregân
Ol belâyı atma ‘uşşâk-ı perîşân üstüne
6. Çeşm-i hûnînde hayâl-i hattı olmaz cây-gîr
Hat yazılmak mümkin olmaz Kâniyâ kan üstüne
Dr. İlyas YAZAR , K Â N Î D Î V Â N I, Ankara 2012
