Dür dişüñ fikri gözüm yaşını ummân eyler
Lâ ‘l-i nâbuñ hevesi yüregümi kan eyler
2. Yarım ağız kime bendem dise ol şâh-ı cemâl
Sanasen ânı bütün ‘âleme sultân eyler
3. ‘Işk derdine şifâ olmaz ise Kânunda
Nûş-dârû-yı lebüñ anı da dermân eyler
4. Mest çıkmış müje tîğı-y-ile İslâm ehli
Hey meded komañuz ol kâfiri kim kan eyler
5. Geydirür cânına zevk ile safâ hullelerin
Her kim ol sîm-teni bir gice üryân eyler
6. Gâh lâ‘li gibi gözüm yaşını al eyler
Gâh zülfi gibi hâlümi perîşân eyler
7. ‘Avnîyâ yüzüñe sûret gözüñüñ yaşı virür
Kurı bâğa şerefi lâle-i nû‘mân eyler
Avni Fatih Sultan Mehmet Hayatı Şairliği
Yorumlar
Henüz yorum yok
Dür dişüñ fikri gözüm yaşını ummân eyler
0
