Dünye vü ukbâda men yâr ol nigârı bilmişem
Gönlümün maksûdı hem ol gül-izârı bilmişem
İçmişem câm-ı lebünden lâ-yezâlün hamrını
Mest-i câvîdem şarâb-ı bî-humârı bilmişem
Cennetü’l-me’vâ nigârun murg-zâr-ı vaslıdur
Murg-zâram kim visâl-i murg-zârı bilmişem
Levh-i mahfûzındadur haşrün hesâbından şümâr
Hâsib-i ışk olmuşam men ol şümârı bilmişem
5. Tâ mürîd oldum ser-i kûyında men ol dil-berün
Pîr-i ışkam ki tarîk-ı rûzgârı bilmişem
Hâk-i dergâhundadur kuhl-i basîret aynuma
Olmuşam bînâ-yı Hak nûr ol gubârı bilmişem
Çün Hakîkî salmışam baş ol nigârun pâyına
Hamdü li’llah ki cenâb-ı şehr-yârı bilmişem
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
