Dudaguñ bigi aceb lal-i Bedahşân ola mı (676/11)
Dişlerüñ bigi dahı dürr-i dür-efşân ola mı
Dut ki gözlerüñe beñzer açıla nergis-i mest (676/12)
Yañaguñ bigi eyit tâze gül-istân ola mı
Dut ki gül-şende lebüñ bigi bite gonce-i ter (676/13)
Kâmetüñ bigi dahı serv-i hırâmân ola mı
Dutalum kim bulına yüzüñe beñzer lâle (676/14)
Saçlaruñ bigi dahı sünbül ü reyhân ola mı
Çohlar oldı yüzüñe vâlih ü hayrân arada (676/15)
Zülfüñe kimse benüm bigi perîşân ola mı
Sanalum kim bulunı saçuña beñzer zulumât (676/16)
Bâri agzun bigi bir çeşme-i hayvân ola mı
Yañaguñuñ güline ki_oldı her ü tâze müdâm (676/17)
Ahmedî bigi aceb bülbül-i nâlân ola mı
Dut Süleymân dirilüben girü dünyâya gele (676/18)
Mîr Sülmân bigi ol server-i devrân ola mı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
