73
- . - - / - . - - /- . - - /- . -
Dostum öpülmeyen la’l-i şeker-hâdan n’olur
Boynuma salınmayan zülf-i semen-sâdan n’olur
Ben seni gördükçe koçmağ istesem incinme kim
Hây efendim hây begüm kuru temâşâdan n’olur
Lutfı olmayan güzelden hîç umman fâyide
Kokulanmayan çemende verd-i ra’nâdan n’olur
Hayr gelmez ‘âşıkın terk eyleyen dildârdan
Gayrlarla salınan serv-i dil-ârâdan n’olur
Gerçi kim nazmun Revânî oldı dürr-i şâhvâr
Gûş-i şâha irmeyen nazm-ı güher-zâdan n’olur
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
